清热解暑药膳! 罗汉果 高汤葛粉丝

发布时间:2020-07-21

浏览量:180

吓? 罗汉果 唔係煲凉茶、或者煲老火汤就咁饮嘅咩?可以加埋葛粉丝一齐食架?咩味架?係咪好怪架?见到呢个title,或者你心入面会有呢啲疑问,呢间麵店嘅高汤由原材料熬成,唔落味精、鸡粉,由开业至今,食客都係讚多过弹!到底呢碗高汤麵点解会有咁多like呢?记者决定亲身试食!

清热解暑药膳! 罗汉果 高汤葛粉丝
店内招牌汤底:黑高汤(左)、大高汤(中)、白高汤(右) 配阳春麵/米线/葛粉丝/米粉
清热解暑药膳! 罗汉果 高汤葛粉丝
店内有十多张枱,空间算宽敞。

甘甜罗汉果黑高汤

黑高汤以 罗汉果 、牛骨、牛腩,煲六个钟熬成,牛骨要用焗炉烘过先煮,以逼出牛嘅香味。上菜嘅时候,闻到有阵台式红烧牛肉麵嘅味,亦见汤色呈酱油色,心谂应该会几浓味,但饮落去就好唔同啦!好大阵 罗汉果 嘅甘甜味,但盖过咗牛肉味,味道唔浓,个汤无乜油,味道比较淡,真係估唔到!

清热解暑药膳! 罗汉果 高汤葛粉丝
黑高汤葛粉丝 $48 配两款麵点心 $75 配三款麵点心 $85

清热解暑药膳! 罗汉果 高汤葛粉丝
葛粉丝晶莹通透,口感烟韧,唔係太吸汤。

 

鲜味金腿鸡汤

如果唔锺意罗汉果嗰阵甘味,可以拣大高汤麵,呢只汤底算係比较大路嘅选择。汤主要由老鸡、嫩鸡、金华火腿、猪骨熬製而成,个汤要煲12个钟,等材料出味。个汤要汤色係金黄色,非常清,闻落好大阵鸡汤味,饮落味道好鲜,但味道都係偏淡,少咗啲鹹香。

清热解暑药膳! 罗汉果 高汤葛粉丝
大高汤阳春麵 $48 配两款麵点心 $78 配三款麵点心 $88
清热解暑药膳! 罗汉果 高汤葛粉丝
配阳春麵,等啲麵线吸埋汤汁。

白白滑滑鲜鱼汤

白高汤由牛鳅及大眼鸡、同埋一啲合时令嘅鱼一齐煲,以岩盐调味,因为煎香啲鱼先至煲,所以汤色呈奶白色。白高汤适合配滑嘟嘟嘅米线。汤底有鲜鱼味道,同前两种汤底都係味道偏淡,唔太鹹,有少许腥。

清热解暑药膳! 罗汉果 高汤葛粉丝
白高汤米线 $48 配两款麵点心 $75 配三款麵点心 $85

虽然啲汤麵食落都真係几鲜,又无味精,但对于食惯浓味野,无餸不欢嘅记者,净係食一碗净麵,真係好寡喎!每碗高汤麵其实可以跟餐加小食(咁价钱就要加返少少啦)。小食有十几种,依家就搵咗比较受欢迎嘅四种小食俾大家睇。

爆浆芥末墨鱼球

煎炸野真係好邪恶,同时又好吸引。正当我想将呢粒炸墨鱼球放入口之际,负责人叫停咗我!!佢话要摊下先食,炸完即刻食,入面啲芥末酱会好烫口,唯有迟少少先啦……外层係燕麦碎,几香脆,咬落去係有啲芥末酱爆出嚟,质感几弹牙,食到有啲墨鱼肉粒,几有嚼劲。

清热解暑药膳! 罗汉果 高汤葛粉丝
芥末炸墨鱼球 $18(单点)
清热解暑药膳! 罗汉果 高汤葛粉丝
爆出嚟嘅芥末浆

卜卜脆炸虾丸

同炸墨鱼丸一样咁邪恶嘅炸虾丸,外层係炸到好脆嘅碎米粉,入面有鲜虾同猪肉碎做馅,咬落去有少少酸梅汁流出嚟,不过食唔到有酸梅味。

清热解暑药膳! 罗汉果 高汤葛粉丝
酸梅炸虾丸 $18(单点)
清热解暑药膳! 罗汉果 高汤葛粉丝
炸虾丸内有酸梅汁,会juicy少少,但味道唔明显。

酒香溏心蛋

以蛋白较实,蛋黄甘香嘅鸭蛋嚟做冻食溏心蛋,有阵烟燻味同埋有好大阵米酒香,蛋黄係酱嘅质地,质感几滑。

清热解暑药膳! 罗汉果 高汤葛粉丝
馥郁溏心蛋 $18(单点)

清淡竹笙卷

虾肉、猪肉同火腿打成胶状,酿入竹笙再用汤煮,食落有弹牙虾肉,亦有猪肉鲜味,但味道较为清淡。

清热解暑药膳! 罗汉果 高汤葛粉丝
竹笙金腿百花卷 $18(单点)

怀旧味道 猪油渣捞麵

猪油渣,可能好多keep紧fit嘅人士一听见都会耍手拧头,但其实以前物质唔富裕,脆卜卜嘅猪油渣捞饭就已经係人间美食,所以猪油渣係唔少老饕嘅恩物。以前食嘅猪油渣捞麵,甚至加埋猪油嚟捞以突出香味,不过呢碗麵嘅油就转用植物油,好似无咁大罪恶感XP猪油渣炸得几脆,有少少油份,配葱油食几惹味,仲有啲炸银鱼仔喺麵入面,但银鱼仔比较硬,又啲难咬。

清热解暑药膳! 罗汉果 高汤葛粉丝
香葱姜油捞麵配猪油渣 $45
清热解暑药膳! 罗汉果 高汤葛粉丝
葱油味浓,加埋猪油渣同银鱼,几惹味。

清热解暑药膳! 罗汉果 高汤葛粉丝

整体嚟讲,70几至80几蚊食一碗麵,配2至3个餸都算几贵,但汤底始终都係原汁原味无味精汤,记者食完亦无口渴感觉,都係一分钱一分货。唯大部份食物都偏向淡味,可能未必啱一啲锺意「重口味」嘅朋友啦!

大热高汤麵

地址:北角电气道256号华凯大厦地下(显示地图)

营业时间:星期一至日11:30pm-04:30pm;06:00pm-10:00pm

联络电话:2578 2808


相关推荐

新宝gg创造奇迹平台总代理|二八杠赌钱提现|网站地图 申博官网备用网址_星际游戏平台app 申博官网备用网址_yabo88vip1com